விடிவு

கவிஞர்:சுஜாதா

கண்ணை மூடி இருந்துவிட்டால்
காலையில் சூரியன் உதியானா?
மனதை நீதான் பூட்டிவிட்டால்
மனதில் நினைவும் மலராதா?
கதவைப் பூட்டி நீயிருந்தால்
காளையவன் தான் உடையானா?
காலம் நமக்கு வந்துவிட்டால்
கனவும் நனவா மாறாதா?

கோவில்

கவிஞர்:சுஜாதா

மக்களின் காணிக்கை
மாக்களின் வேடிக்கை
அரசனின் கோரிக்கை
ஆண்டியின் வாடிக்கை 

பெண்

கவிஞர்:சுஜாதா

பார்வைக்கு அழகானவள்
பண்பிற்குப் புதிரானவள்
பாசத்திற்குத் தாயானவள்
பணிவிற்கு நிகரானவள்

கன்னித் தமிழே வாழ்க

கவிஞர்:Inthiran

சதிராடும் தமிழே உன்னைப்
புதிராகப் பார்க்கின்றேன் உனக்கு
எதிராக இருப்போரை
ஏமாந்து போகச்செய்யும்
கதிராக இருக்கின்றாய் என்
கன்னித் தமிழே நீ வாழ்க